Friday, 11 November 2016

Jinsi Ya Kuishinda Hofu Uliyonayo

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!
Rafiki katika maisha watu wamekuwa wakitawaliwa na hofu, wameipa hofu nafasi kubwa ya kutawala maisha yao. Hofu huzaa malalamiko kunakosababishwa na hali ya kutoridhika na hatua au hali uliyonayo. Lakini ukifanya ulinganisho kati ya vile ulivyonavyo na walivyonavyo wengine,utagundua unahitaji kuwa na moyo wa shukrani.



Utafiti unaonesha asilimia tisini ya mambo au vitu katika maisha yetu ni sahihi au sawa (right), wakati asilimia kumi ya mambo au vitu katika maisha ndiyo haviko sahihi (wrong). Ikiwa unataka kuwa na furaha hakikisha unaegemea zaidi katika upande wa mambo yaliyo sahihi (asilimia tisini) kuliko yasiyo sahihi (asilimia kumi). Na ikiwa unataka kuishi maisha ya masikitiko au huzuni hakikisha unachagua kuegemea zaidi katika upande wa mambo yasiyo sahihi (asilimia kumi) kuliko yaliyo sahihi (asilimia tisini).
Ni mara chache sana tunatumia wakati kufikiri yale ambayo tunayo, badala yake utakuta  tunawaza kuhusu yale ambayo hatuna. Usilalamike kama vile upo wewe peke yako ndiye mwenye matatizo au ambaye hana. Ukichunguza utagundua una mambo mengi sana ya kukufanya uwe na shukrani kutokana na kuwa na upekee hasa ukilinganisha na wengine ambao hawana vitu ulivyonavyo. Hapa rafiki ninapenda kukusisitiza kuamua kwa kukusudia kuangalia upande wa uzuri kuliko upande wa ubaya wa kila tukio linalokuja katika maisha yako.
Rafiki napenda kusisitiza usihesabu idadi ya matatizo uliyonayo anza kuhesabu mambo mazuri uliyonayo, hii itakusaidia kuondoa hofu ya kuishi.
Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.
Goodluck Moshi
Author
StadizaMafanikio

Thursday, 10 November 2016

Mambo Matano (05) Yaliyojificha Katika Mafanikio Yako

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!
Rafiki watu wengi wamekuwa wakipima mafanikio kwa kiwango cha vitu vinavyomilikiwa na mhusika. Kutokana na hili kunakuwa na maana mbalimbali kwa kila mtu kuhusu mafanikio. Leo ninapenda kukushirikisha mambo ambayo utayakuta katika kila mafanikio.



(a) Lengo
Kutokuwa na lengo ni adui mbaya sana wa mafanikio. Chochote unachofanya kinakuongoza kuelekea katika kutimiza lengo fulani. Ni muhimu kuwepo kwa lengo sababu litasababisha uwe kwanza  na nguvu ya kukusukuma na pili uwe na fikra za ubunifu ambazo zinakupeleka hatua fulani ya kufikia lengo. Lakini pia kunakuwa na hali ya kuridhika wakati upo katika mchakato wa kufikia lengo.
(b) Safari ya mafanikio ina kupanda na kushuka.Siku zote au vipindi vyote haviwezi kufanana. Kuna vipindi vitafika utakuwa unakutana na hali ya kushindwa ,hii isiwe sababu ya wewe kuamua kuchoka na kukata tamaa bali ni ushahidi kuwa mafanikio yanahitaji juhudi au bidii , na mafanikio siyo rahisi kama unavyofikiri. Na mtu yoyote ambaye hataki kupokea vipindi vya kushindwa katika safari yake hayuko tayari kupambana ili kuweza kuonja ladha ya mafanikio.
Ukiweza kushinda hali hii, utakuwa umeishinda hali ya kufanya mambo kwa kawaida (mediocre) , utajenga ujasiri, na utaongeza uwezo wako wa kupokea (absorb) kushindwa.
(c) Gharama
Hakuna mafanikio ambayo utayapata bure. Furaha ya mafanikio imo ndani ya jitihada iliyowekwa kufikia mafanikio.Gharama na mafanikio ni vitu ambavyo vinakwenda pamoja au sambamba hauwezi kuvitenganisha.
(d) Kuridhika
Mafanikio ni muhimu yakufanye upate furaha ya ndani (inner joy au satisfaction). Mtazamo imewekwa sana kupima mafanikio kwa kiwango cha vitu vinavyomilikiwa. Ikiwa hata mafanikio yamefikiwa kwa machozi ni muhimu yavishwe yako la furaha inayotoka ndani yaani kuridhishwa na hatua uliyofikia, na hii inasaidia kutambua kiwango cha jitihada kilichokufikisha katika ngazi ya mafanikio husika.
(e) Imani
Kwa wewe kuwepo hapa duniani kuna kusudi maalum ambalo aliyekuumba anataka ulitimize hapa duniani. Ni muhimu ufahamu mafanikio unayoyapata pia yanaletwa na kusababishwa na uwepo wa aliyekuumba katika kuyapata mafanikio. Kwa kutegemeana na imani yako ni muhimu kutambua uhusiano huo uliopo kati ya maisha yako au malengo makubwa ya maisha yako (greater purpose) na mwandishi wa hayo malengo (author of greater purpose au maker).
Kama ambavyo alama za vidole (finger prints) zilivyo pekee kwa kila mtu haziwezi kufanana na mtu mwingine yoyote, basi mafanikio pia kwa kila mtu yako pekee. Tunachohitaji ni ujasiri wa kufanikiwa na kuwa vile ambavyo tumekusudiwa na aliyetuumba kuyafikia mafanikio.
Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.
Goodluck Moshi
Author
StadizaMafanikio

Wednesday, 9 November 2016

Hatua Zitakazokusaidia Kukabili Changamoto Zinazokuzuia Kupata Mafanikio

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!

Rafiki unahitaji kufahamu haitatokea kuwepo kwa mtu ambaye ataishi au atapata mafanikio kwa ajili yako au kwa niaba yako. Mambo yote ambayo unayohitaji iwe ni mafanikio au vitu, unahitaji kuwajibika kuvitafuta kwa ajili yako binafsi.



Utakuwa unafanya makosa makubwa sana ikiwa utaamua kuridhika na hali uliyo nayo na kukubali kuwa dunia ndiyo itaweka jitihada kwa ajili ya kuboresha hali yako.Unahitaji kuweka jitihada binafsi ili kubadili hali uliyonayo au unayoipitia kwa sasa.


Soma Makala Hii Inayohusiana: Jambo Moja la Kuzingatia Ili Kuwa Tajiri


Tumaini kubwa ambalo unahitaji kulijua bila kujali umeathiriwa kwa kiwango gani na changamoto, bado unayo nafasi ya kuamua kujifunza jinsi ya kuinuka kutoka katika hizo changamoto, kusimama tena na kusonga mbele.

Kitendo cha kuinuka na kusonga mbele kinabeba kwanza ujumbe wa kujitegemea (self reliance au independence). Na hii ni moja ya kiungo muhimu sana ambacho kitakusaidia kutoka zaidi ya maeneo yako uliyoyazoea (comfort zone). Lakini pia  hii itachangia kujua ukomo wa uwezo wako na kupata watu wengine ambao wataungana na wewe kukusaidia (dependence) kutokea pale ulipoishia kulikosababishwa na uwezo wa juhudi zako.

Utapata hamasa ya kutafuta majibu ya maswali mengi sana ambayo utakutana nayo, lakini rafiki suala la kutafuta majibu ni sawa na kufanya hitimisho (conclusion), badala yake unashauriwa uulize maswali zaidi, kitendo cha kuuliza maswali kinasaidia kukusanya taarifa zaidi (facts) , ambazo pia zitakusaidia kupata sababu ya majibu au hitimisho kuwa vile lilivyo.

Rafiki ili kuweza kupangilia vizuri maisha yako ya baadae ni muhimu kutazama maisha yako miaka ya nyuma yathamini,yakubali , shukuru kwa ajili ya mafunzo yaliyokupatia na kusonga mbele.

Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Goodluck Moshi
Author
StadizaMafanikio

Tuesday, 8 November 2016

Vigezo Vitatu (03) Vya Kuzingatia Kabla ya Kupublish Makala Katika Blogu

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!

Rafiki kwa kila msomaji ambaye amechagua kutembelea blogu yako hakika ni fursa ya kipekee mno kwako, kwa sababu kwanza kati ya masaa 24 aliyonayo katika siku ameamua kutenga sehemu ya muda  kupata maarifa kupitia blogu yako, lakini pili ni kuwa kati ya blogu nyingi ambazo angeweza kwenda kutembelea ameamua kuchagua blogu yako kwa ajili ya kupata maarifa.



Katika makala ya leo ninapenda kukushirikisha vigezo vitatu ambavyo unapaswa kuhakikisha unazingatia kabla ya kuiweka hewani (publish) makala yoyote unayoandika katika blogu yako.



(a) Utofauti au upekee (distinction)
Hii ni thamani au kigezo namba moja ambacho kila makala unayoandika hakikisha imebeba. Tengeneza mikakati na malengo maalum ya kuhakikisha kazi yako inakidhi kigezo hiki. Fanya homework ya kutosha kutembelea waandishi wengine na kujifunza mambo kama vile wanaandika nini, wanatumia staili gani ya uandishi na kadhalika.
Usishawishike na kukopi makala au aina ya uandishi wa mwandishi mwingine kwa kuwa tayari ana wasomaji wengi, bali angalia namna ambavyo unaleta kitu kipya ambacho wasomaji wamekuwa hawakipati (tafuta pengo au gap).
Upekee katika uandishi wako ndiyo silaha pekee ambayo itatofautisha makala zako na za waandishi wengine zinapowekwa pamoja.

(b) Ubora (Excellence)
Hii ni thamani au kigezo namba mbili ambacho kila makala unayoandika hakikisha imebeba. Hakikisha unaweka jitihada kubwa ya kutosheleza kutoa kilichobora mno ndani yako ,penda makala unazoandika na wasomaji wako kwa kuzifanya  kuwa bora kuliko makala zako zilizotangulia au makala za waandishi wengine.
Kiwango cha ubora kinatakiwa kupanda siku hadi siku, kamwe usiridhike kutokana na idadi ya mashabiki au wasomaji wako kupitia mrejesho wanaokupatia. Hii ni mbinu pekee itakayokusaidia kuendelea kubaki na wasomaji kutokana na kuwa na uboreshaji endelevu au usio na kikomo. Usibaki na kitu ndani yako (die empty).

(c) Huduma (World - Class Service)
Hii ni thamani au kigezo namba tatu ambacho kila makala unayoandika hakikisha imebeba pia. Makala unayoandika hakikisha inamuhudumia msomaji katika kiwango sawasawa na mahitaji yake au kupitiliza mahitaji yake lakini isiwe kiwango cha chini kuliko mahitaji yake. Kupitia maandishi unayoandika hakikisha yana mtiririko mzuri, hayana makosa ya uandishi (grammar), umetumia lugha rahisi inayoeleweka kwa msomaji ili kumwezesha kupata maarifa ambayo yatachangia kuboresha maisha yake. Akili na moyo ujikite (focus) katika kile unachoandika kama fursa ya kuhudumia wasomaji .Na hakikisha unatumia fursa vizuri kwa kufanya kilicho sahihi kwa msomaji.
Mambo haya matatu ni muhimu yaende kwa pamoja bila kuacha lolote.

Soma Makala Hii Inayohusiana: Kanuni Kumi (10) za Huduma Bora Kwa Mteja

Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Goodluck Moshi
Author
StadizaMafanikio

Monday, 7 November 2016

Dondoo Tatu (03) Zitakazokusaidia Kupata Mada za Kuandika Katika Blogu

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!



Rafiki kati ya maswali yanayoulizwa na waandishi wanaanza kuandika (beginners) ni mada gani waichague kuandika makala katika blogu. Lakini pia kwa wale ambao wameanza kuandika huwa wanajiuliza nijikite katika mada gani katika kuendelea kuandika makala katika blogu.
Katika makala hii napenda kukushirikisha maeneo matatu ambayo tunakutana nayo au tumeshakutana nayo (common) lakini tumekuwa hatuyapi kipaumbele au kuwa na mtazamo wa kupata mada za kuandika katika blogu zetu.

Soma Makala Hii Inayohusiana; Hatua Nne (04) Katika Uandishi wa Blogu

(a) Andika kuhusu mada unayopenda kujifunza.
Kwa mfano ukikuta unapenda kusoma au kununua vitabu vya masuala ya mafanikio, basi fahamu hilo ni eneo mojawapo ambalo unaweza kuandika. Pia ikiwa una mtu ambaye ni mtaalamu wa kada fulani unayependa kumuuliza maswali kwa ajili ya kujifunza , basi fahamu hilo ni eneo lingine pia unaweza kuandika.
Rafiki ukiyaandika haya ambayo unajifunza unakuwa umewasaidia wengine kupata maarifa ambayo umejifunza.
(b) Andika kuhusu mambo unayopenda kufanya
Ukitafakari miaka yako mitano iliyopita, utagundua kuna kitu au vitu fulani umekuwa unapenda kuvifanya. Katika vitu hivi utagundua kuna mambo umekuwa ukiyafanya yakisukumwa na shauku ya wewe kuyafanya.
Rafiki unaweza ukayaona haya mambo ni ya kawaida kwako, lakini kuna watu ambao wanashauku na wanapenda kufanya mambo sawasawa na wewe ulivyoyafanya lakini hawana watu wa kuwasaidia kuwaongoza, ukiyaandika utakuwa umewasaidia kuwa role model wao kupitia yale unayoyaandika.
(c) Andika kuhusu mambo uliyopitia katika maisha yako
Kutokana na sehemu ulizoishi au sehemu ulizofanya kazi kuna uzoefu ambao  umekuwa ukiujenga hatua kwa hatua, siku hadi siku. Uzoefu huu ni hazina kubwa ambao unaweza kuwasaidia wale ambao wanaanza katika maeneo hayo.
Rafiki mambo haya uliyoyapitia katika maisha unaweza kuandika ili kuwasaidia waweze kuepuka makosa ambayo wewe uliyafanya  lakini pia waweze kutumia muda mfupi zaidi kuliko ambao uliuutumia kutokana na kukosa kocha wa kukusaidia.
Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Sunday, 6 November 2016

Uchambuzi wa Kitabu cha " SUCCESS SECRETS OF THREE TIME OLYMPIAN"

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!




Ruben Gonzalez ni mwandishi wa kitabu "SUCCESS SECRETS OF THREE TIME OLYMPIAN" . Katika kitabu hiki ameeleza mambo ambayo amekuwa akiyafuatilia na kujifunza kutoka kwa watu waliofanikiwa. Baada ya kujifunza alianzia  kuweka katika matendo yale ambayo alijifunza kutoka kwa watu waliofanikiwa, na hatimaye kanuni au mbinu zile zile zilimsaidia kufanikiwa pia. Hapa ni nakushirikisha mbinu au kanuni ambayo Ruben ameyaleeza.
1. Fanya maamuzi leo ya kuwa mwanamafanikio kwa kuwa tayari/nia ya kulipa gharama inayohitajika ili kuweza kufikia ndoto yako
2. Mafanikio hayapimwi na hatua uliyofikia leo bali hupimwa na vizuizi ambavyo umevivuka mpaka kufikia mafanikio
3. Watu waliofanikiwa hujiandaa na kujiweka katika nafasi sahihi kuweza kutumia fursa yoyote ambayo inaweza kujitokeza kuwasaidia katika safari ya mafanikio
4. Mtazamo wako juu ya jambo fulani unaamua kiwango chako cha kufanikiwa, kufikiri chanya kunakupa njia nyingi za kuweza kukusaidia kufanikiwa
5. Jipe nafasi ya kujifunza ujuzi, maarifa yanayoweza kukufikisha kupata ndoto zako
6. Iruhusu sheria ya wastani ifanye kazi katika maisha yako, kwa kadiri unavyoshindwa katika jambo fulani unapata mafunzo mengi ambayo yatakusaidia kufanikiwa kutokana na kujaribu njia nyingi za kufanikiwa
7. Unahitaji kujiamini wewe mwenyewe na kuamini kuwa utafikia ndoto yako.
8. Unapokuwa na mtazamo wa kuwa na utayari wa kufanya lolote linalokuhitaji bila kujali muda utakaoutumia ili kufikia mafanikio basi   kufanikiwa ni suala ambalo la kitambo kidogo
9. Vinaweza vikachakuliwa vitu vyote katika maisha yako ukabaki hauna kitu lakini kitu kimoja hubaki na wewe muda wote ni nguvu ya kuchagua, chagua leo namna unavyoitikia (react) katika hali yoyote inayokutokea
10. Daima weka malengo yako mbele yako
11. Fikiria mawazo ambayo yatakuhamasisha kufikia malengo kwa kuwa like unachokifikiria muda wote ndicho kitakachokutokea katika uhalisia
12. Kila kitu hutokea kwa sababu, changamoto tunazopata katika safari ya mafanikio ni kwa ajili ya kutupatia masomo makubwa ya kujifunza ili kuweza kuwa na uuanzaji sahihi katika jambo tunalofanya na pia kuweza kufikia mafanikio
13. Unahitaji kuwekeza nguvu zako katika lengo moja mpaka ufanikiwe ndio uelekeze nguvu zako katika lengo lingine mpaka malengo yako yote yaishe/yakamilike, usielekeze nguvu katika lengo zaidi ya moja kwa kuwa kiwango cha kufanikiwa kitapungua
14. Ujasiri hutokana na muda ambao umewekeza katika masaa, siku ili kujijengea maarifa na ujuzi wa kuwa bora katika fani unayoifanya
15. Changamoto kubwa kuliko zote kuelekea kufanikiwa ni kujitawala mwenyewe, utashawishika kufanya vitu ambavyo vitakuweka nje ya mstari wa Mafanikio, lakini siku zote katika Yale unayofanya jiulize swali moja kuwa je unachokifanya kinakusaidia kukusogeza Karibu na kufanikiwa
16. Jifunze masuala ya uongozi na uwasaidie wengine kwa kuwajenga kiujuzi ili waweze kuwa na ujasiri wa kuungana na timu yako ili kuweza kukusaidia kufikia mafanikio yako
17. Ujasiri katika kufanikiwa hutokana na utayari wa kuweka mambo katika matendo na kuvumilia.
18. Bila kujali shida unayoipata ni ya namna gani jifunze kuiongelesha na kuiambia kuwa wewe ni mkubwa mno kuliko hiyo shida na haitaweza kukushinda
19. Kila Mafanikio makubwa ni mjumuisho wa mafanikio madogo madogo
20. Jifunze kutokana na makosa yako, fanya marekebisho yanayohitajika alafu jiweke katika nafasi sahihi ya kutumia fursa inayokuja mbele yako
21. Shauku yako ya kufanikiwa itakupa nguvu ya kukusaidia usiachie njiani unachokihitaji na pia itakupa njia za kuweza kufanya ili ufanikiwe
22. Fanya zaidi ya kile kinachotarajiwa
23. Ukiamini kuwa unachokitaka kuwa kinawezekana na ukatenda mambo ambayo yanasaidia kukfanikisha unachotaka, ulimwengu nao utakusaidia kufanya ndoto, mipango na matarajio yako katika uhalisia
24. Tumaini hutuonyesha vile visivyoonekana na kutupatia vile visivyowezekana
25. Usiruhusu hofu ikutawale, hofu inatawaliwa kwa kutenda yale unayoyahofia
26. Usijudge siku kwa mavuno uliyoyapata bali judge kwa mbegu uliyootesha/uliyopanda
27. Ulimwengu daima humpatia mtu fursa ya kufanikiwa ikiwa maneno na matendo yake yanaonesha anajua anapoelekea
28. Kila siku kitu cha kwanza andika malengo yako
29. Amua kuwa mwanafunzi wa kudumu wa mafanikio
30. Vitabu unavyosoma na watu unaokutana nao vinaamua wapi utakuwa miaka mitano ijayo
31. Furaha ni zao la mambo matatu:
a) ubora wa mahusiano na watu wako muhimu
b) kiwango cha kudhibiti hisia zako
c) kutumia vipawa vyako kufikia malengo yako
32. Haijalishi unaanguka mara ngapi katika safari ya Mafanikio simama endelea na safari
33. Watu waliofanikiwa wanawekeza muda wao kutafuta njia za kufanikiwa zaidi
34. Fall in love with the process of making you succeed
35. Tafuta watu ambao wana ujuzi na rasilimali ambazo unahitaji ili kuweza kufikia mafanikio unayoyahitaji
36. Tafuta mshauri au kocha ambaye ataharakisha mafanikio yako
37. Leaders make decision all time. Followers make suggestions.
38. Kama unapitia mapambano katika maisha , unaandaliwa kwa ajili ya malengo makubwa na muhimu
39. Viongozi wapo tayari kufanya lolote linatakiwa kufanywa na wao ili kuboresha matokeo
40. Hauwezi kufanikiwa kupata kitu kikubwa katika maisha mpaka utakapoanza kuamini kuwa kuna kitu kikubwa ndani yako kuliko hali au mazingira unayoikabili
Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Saturday, 5 November 2016

Uchambuzi wa Kitabu The Top Ten Distinctions Between Winners and Whiners

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!



Keith Cameron Smith ni mwandishi wa kitabu "THE TOP TEN DISTINCTIONS BETWEEN WINNERS AND WHINERS ". Keith anatushirikisha mbinu ambazo washindi wamekuwa wakizitumia kila mara wanapokuwa wanafanya kazi yoyote ili kuwasaidia kuwapa ushindi. Keith anasisitiza kuwa adui mkubwa anayechangia katika kushindwa ni tabia ya ulalamikaji, hali ya kukataa kuwajibika.
Keith anaamini kwa kusoma kitabu hiki ni njia mojawapo ya kuweza kukushirikisha mambo chanya yatakayochangia katika kukufanya uwe mshindi. Hivyo katika makala napenda kukushirikisha mambo ambayo nimeyapata kutoka katika kitabu hiki.
1. Kuwa mshindi sio tukio linalotokea katika muda mfupi, ni safari ndefu ya maisha
2. Maisha hayakwendi sawa sawa na mipango inasemekana maisha ni vile yanavyokwenda wakati unaendelea kupanga mipango
3. Uwajibikaji ni kufanya kile kilicho bora kwa nafasi yako au uwezo wako ukiwa na imani kuwa utapata matokeo mazuri
4. Ushindi ni mchezo unaohitaji timu na umoja
5. Hofu ni imani ya kuwa kitu kibaya kabisa kitatokea
6. Hofu imejengwa katika mizizi kuwa hauna machaguo
7. Ili uweze kuwa mshindi unahitaji kuwajibika kwa kufanya uchaguzi wa imani chanya zidi ya hofu
8. Washindi hujua kuwa daima wana machaguo na wanawajibika na hayo machaguo
9. Machaguo yanaamua hali, hali haiamui machaguo
10. Ni sahihi kusikitika kuhusu mategemeo fulani lakini si sahihi kukata tamaa
11. Ushindi huanza na mawazo na kuwaibika kufanya machaguo yale yaliyo chanya tuu
12. Washindi wana mtazamo wa mawazo yao ndio mbegu, na akili yao ndio udongo wa kukuzia mbegu, mawazo unayoyaweka katika akili yako huota mizizi na kisha kukua kuwa mti unaozaa matunda, kwa hiyo ni muhimu sana kuchagua ni mawazo ya aina gani unayoyaruhusu kukaa akili mwako
13. Washindi huamini wanawajibika na matokeo wanayoyapata
14.  Kwa kudhibiti mawazo yako unabadilisha matokeo yako, washindi huwajibika kwa matokeo yao kwa kudhibiti mawazo yao
15. Washindi wako tayari kulipia gharama inayohitajika ili waweze kushinda
16. Washindi hujifunza kutoka kwa wale walio bora zaidi yao kufanya vile wanavotakiwa kuvifanya ili kufikia hatua kama za hao walio mbele yao
17. Inawezekana ukajifunza na kupata kile unachotamani kukipata
18. Gharama kubwa washindi wanayolipa ni kupata maarifa
19. Mipaka uliyonayo katika kufanikiwa ni kwa sababu ya kukosa maarifa, waliofanikiwa zaidi yako ni kwa kuwa wana maarifa ambayo hauna na pia wameamua kuweka katika matendo yale maarifa waliyoyapata
20. Gharama nyingine inayolipwa na washindi ni upinzani, washindi hawajali watu wengine wanawafikiriaje bali wanajali wao wenyewe washindi wanajifikiriaje binafsi
21. Washindi hawawasikilizi wapinzani bali wanasikiliza mioyo/nia yao inavowaelekeza
22. Watu hawana muda na maisha yako hata kukufikiria, hata pale mtu anapokuwa mpinzani wako dakika tano baadae hata hana mawazo kuhusu wewe
23. Washindi wako tayari kulipa gharama ya kuwahudumia wengine kwa moyo mmoja kwa sababu kwa kuwahudumia wengine kupata kile wanachokihitaji kunakusaidia kuweza kupata chochote unachohitaji
24. Ongeza maarifa juu ya kile unachokitaka katika maisha yako, wapuuzie wapinzani na wahudumie watu kwa moyo mkunjufu
25. Malipo ya gharama hayatupatii tunachokitaka bali yanatupa fursa ya kukipata ( The payments don't give you what you want they only give you the opportunity to get it)
26. Usiruhusu mtu akuambie nini huwezi kufanya, ukihitaji kitu nenda ulipe gharama unayohitaji ukipate
27. Washindi huamini kuna njia ya kutupeleka katika mafanikio kwa kila jambo
28. Washindi hutazama matokeo wanayoyataka kwa umakini, wakiona hawajapati kama wanavotarajia wanarekebisha matendo yao (actions) hadi waweze kupata matokeo wanayoyahitaji
29. Washindi hulisha imani yao na kuifisha hofu
30. Kwa kawaida maono hutuonesha mwisho wa safari
31. Baadhi ya masomo utakayojifunza wakati was kuelekea mafanikio yako ni kushindwa, kukataliwa na kupoteza vitu.
32. Washindi hawalalamiki bali huthamini maisha. Huthamini kwa kuongea vitu vizuri vilivyotokea awali, vinavyotokea sasa na vitakavyotokea baadaye
33. Changamoto ya mabadiliko katika maisha
Nenda kwa siku kumi mfululizo bila kulalamika, ikiwa utalalamika kabla ya siku kumi hazijaisha bila kujali upo siku ya ngapi utakuwa umefuta zile siku zote ambazo ulifanikiwa kupita bila kulalamika kwa hivyo unatakiwa uanze mpya
34. Unahitaji kuwa msikivu zaidi kuliko unavyoongea, sikiliza kwa lengo la kuelewa unachoambiwa na si kwa lengo la haraka ya kujibu ulichokuwa unaambiwa
35. Kama unapitia wakati mgumu sasa kuna uwezekano mkubwa kuna baraka zilizojificha
Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.