Tofauti Kati Ya Save Na Save As Katika Programu Za Kompyuta

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!

Katika programu zinazotumika katika kompyuta , njia ya pekee ya kukulinda usipoteze kazi uliyofanya ni kusave. Katika kila programu maneno haya Save na Save As utayakuta katika menu ya File.

Kwa kukuangalia maneno yake yanaonekana kuwa yanafanana sana lakini maneno haya yana tofauti hasa kwa kuzingatia kazi zinazofanywa. Katika makala hii ninapenda kukushirikisha tofauti iliyopo kati ya Save na Save As.

Soma Makala Hii Inayohusiana : Jinsi ya Kubadili Settings za Kusave Katika Microsoft Word

(a) Katika Document Mpya (New Document)
Unapokuwa umefungua document mpya ambayo ndiyo umeanza kuifanyia kazi, Save na Save As hazina tofauti katika utendaji wake kwa mara ya kwanza. Zote zitakuwezesha kuhifadhi kazi yako isipotee.

(b) Katika Document Za Zamani (Existing Document)
Katika document za aina hii unapobofya Save huiuisha document ya mwanzo na kufanya ifanane na inavyoonekana katika screen.Kwa hiyo inaiupdate.

Wakati ukibofya Save As utapata machaguo ya kubadili jina la document au tolea la document au kubadili extension (mfano .docx kuwa doc).

(c) Katika Intaneti
Unapokuwa unatumia mtandao wa intaneti, ukibofya kitufe cha kulia cha mouse (right click) katika link utapata pia chaguo la Save As ambayo itakusaidia kupakua document.

Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Goodluck Moshi
Author
StadizaMafanikio