Uchambuzi wa Kitabu " LUNCHTIME TRADER"

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!

Marcus de Maria ni mwandishi wa kitabu cha THE LUNCH TIME TRADER. Katika kitabu hiki mwandishi ametueleza namna ambavyo unaweza kutumia muda ambao unautumia kwa ajili ya chakula cha mchana kukusaidia kupata mafanikio ambayo umekuwa ukiyahitaji.

1. Maamuzi katika matendo mbalimbali ambayo tunayafanya ndio yanaamua matokeo tunayoyapata na kusababisha kutofautisha mtu  mmoja na mwingine

2. Hali ya kifedha tuliyonayo inatanuliwa kwa sehemu kubwa na mawazo, imani na mtazamo tuliyonayo

3. Hatua saba muhimu zinazoweza kukisaidia kuanza kufanya mabadiliko katika hali yako ya sasa
a) Fahamu hali yako ya sasa
b) Fahamu hali yako ambayo unataka uwe nayo
c) Tambua mbinu au njia inayoweza kukufikisha katika (b)
d) Tengeneza imani kuhusu mbinu unayotumia kuwa itakufikisha
e) Anza mara moja
f) Jiboreshe katika hiyo njia au mbinu
g) Ongeza kasi

4. Ishu sio kiasi gani cha fedha unatengeneza bali ni kiasi gani cha fedha ungeweza kukiweka na kukikuza

5. Kitu chochote ambacho umekitilia mkazo kwa kuweka muda na jitihada baada ya muda huwa kinakua

6. Usifanye kosa la kumpa mtu mwingine awekeze fedha badala yako mwenyewe

Soma Makala Hii Inayohusiana : Uchambuzi wa Kitabu cha "ACT LIKE A SUCCESS THINK LIKE A SUCCESS"

7. Ni vizuri kuwa na mikakati ya siku, wiki, mwezi na mwaka pia

8. Kwa siku nzima unaweza kufanya kazi kwa bidii ili kuingia fedha lakini tenga dakika 20 tu za kufanya fedha yako ifanye kazi kwa jitihada kwa ajili yako

9. Tumia muda wa wiki sita sita kuamua kama kuendelea kubaki na hisa au kuziuza

10. Mikakati unayotumia katika uwekezaji ni lazima iwe na ukomo ili uweze kuboresha mikakati na kutafuta mingine kutokana na mazingira katika eneo la uwekezaji linavobadilika

11. Ni muhimu kuwa na ufuatiliaji wa mwenendo wa mtiririko wa hisa jinsi unavyoperform

12. Katika biashara yoyote usipoteze fedha nyingi sana

13. Katika uwekezaji huhitaji kumtegemea sana broker kwa sababu unashindwa kujua mikakati na mbinu za namna ya kufanya uwekezaji

14. Kanuni ya kwanza ya ulimbikizaji inasema uanze na kiwango kikubwa kadiri inavyovezekana

15. Kanuni ya pili ya ulimbikizaji inasema uendelee kuwekeza kiwango kikubwa kadiri inavyowekeza kila mwezi

16. Faida inayopatikana ni vema ikawekezwa

17. Mjue mtu mmoja ambae unataka uwe kama yeye alafu iga  kufanya yale anayoyafanya yeye pia

18. Ni vizuri broker akaulizwa ana hisa ngapi katika hiyo kampuni anayokushauri uwekeze.

Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Goodluck Moshi
Author
StadizaMafanikio