Uchambuzi wa Kitabu cha " EAT THAT FROG"

Habari rafiki yangu ambaye ni mfuatiliaji wa makala katika blogu hii ya Stadi za Mafanikio!

Brian Tracy ni mwandishi wa kitabu cha "EAT THAT FROG". Brian ni mwalimu mwenye uzoefu sana katika eneo la mafanikio. Mambo mengi ambayo Brian anatushirikisha ni yale ambayo amekuwa akijifunza, kisha anayafanyia kazi yeye binafsi na ndipo anatushirikisha kupitia vitabu vyake. Katika kitabu hiki ametushirikisha namna ya kupambana na hali ya kuahirisha mambo uliyopanga kuyafanya.

1. Kuwa na nidhamu ya kutekeleza jambo lolote mara tu unapolipata na uendeleee kulifanyia kazi mpaka likamilike kabla hujaenda kutekeleza jambo lingine

2. Ni muhimu kuamua nini unataka kufanya katika kila eneo linalohusu maisha yako

4. Fahamu kwa ufasaha ni kitu gani kinatarajiwa kutoka kwako na katika mpangilio upi wa kipaumbele

5. Orodhesha mambo ambayo unayajua ni ya lazima uyafanye ili ufikie malengo

6. Endelea kupitia malengo yako na uyaboreshe siku hadi siku

7. Kupangilia ni kuleta baadae sasa ili uweze kufanya kitu kwa ajili ya baadae

8. Kuamua kufanya vitu bila kufikiria ndiyo chanzo kikubwa cha matatizo

9. Ni vizuri kuwa na orodha mbalimbali kwa madhumuni mbali mbali
a) Orodha kuu
b) Orodha ya mwezi
c) Orodha ya wiki
d) Orodha ya siku

Soma Makala Hii Inayohusiana : Uchambuzi wa Kitabu cha " SECRETS OF SELF MADE MILLIONAIRE"

10. Orodhesha malengo yako yote unayotaka kuyatimiza alafu uchague lengo moja ambapo ukilifanya hilo liyasababisha mengine yote kuyafanikisha

11. Weka malengo yako kwa kipaumbele kujua lipi ni muhimu kwanza na pia iwe katika mtirirko kujua lipi linaanza, lipi linafuata na lipi linamalizia

12. Muda utakaoutumia kufanya kazi isiyo na umuhimu ni sawa na muda ambao utautumia kufanya kazi iliyo na umuhimu

13. Amua leo kufanya yale mambo ambayo yataleta mabadiliko katika maisha yako

14. Hakuna muda wa kutosha kufanya kila kitu ila kuna muda wa kutosha kufanya jambo lililo na umuhimu

15. Neno lenye nguvu kati ya maneno yote yanayohusiana na muda ni neno Hapana

16. Ili kufanya jambo jipya unahitaji kumaliza au kuacha kabisa kufanya mambo ya zamani

17. Fanya vile vitu ambavyo vinaboresha maisha yako

18. Jenga nidhamu ya kutofanya jambo lingine lolote isipokuwa lile moja tuu uliloanza mpaka likamilike

19. Kamwe usiache kujiboresha

20. Maeneo matatu ambayo wengi huweka malengo:
a) Kwanza ni fedha na kazi
b) Pili ni familia au mahusiano
c) Tatu ni afya

21. Uhuru wa kifedha unafikiwa kwa kuweka akiba kila mwezi mwaka hadi mwaka

22. Jisomee katika eneo unalotaka kuwa mtawala angalau kwa saa limoja kwa siku

23. Ni muhimu utambue kwa ufasaha mambo yanayokuzuia kutoka halo ulipo kufikia unapoelekea katika malengo yako

24. Katika wiki tenga siku moja kwa ajili ya kufanya mambo tofauti kama kufanya shughuli ambazo hazihusishi kutumia ubongo au akili yako

25. Lala saa limoja kabla kila siku

26. Yafanye matatizo yako yawe binafsi sababu asilimia 80 hawajali kuhusiana na hayo matatizo yako na asilimia 20 wanayo furaha matatizo yamekupata

27. Mambo manne ya kuzingatia
a) Tafuta kitu kizuri katika kila jambo bila kujali ni baya kiasi gani
b) Jiulize somo gani la thamani unajifunza kutokana na ugumu au kikwazo unachopitia
c) Tafuta utatuzi wa kila tatizo
d) Endelea kufikiria na kuongea kuhusu malengo yako

Rafiki unaweza kuwashirikisha wengine kuhusu blogu hii kwa ajili ya kupata maarifa mbalimbali na pia unaweza kubofya hapa ili kuweza kupata makala kila inapowekwa kupitia barua pepe yako.

Goodluck Moshi
Author
StadizaMafanikio